Saturday, July 17, 2010

သံလိုက်နဲ့ လုပ်တဲ့ ကော်ပတ်ရုပ်

ငါက မြောက်ဝင်ရိုးစွန်း စက်ဝိုင်းမှာစိုက်နေတဲ့ မြားတစ်ချောင်းပေါ့ ။

မှတ်ဥာဏ်တစ်ခုမှ မကျန်အောင် ဆွဲဆောင်ပစ်လိုက်တယ် ။

ငါ့မှာ ပြဒါးမပါတဲ့ မှန်တချပ်ရှိတယ် ။

မေးခွန်းတိုင်းရဲ့ အဖြေတွေကို အလင်းတန်းတွေနဲ့ပဲ တုံ့ပြန်ချင်တယ် ။

အဲဒီလို ငါ့နှုတ်ခမ်းငါ ခပ်တင်းတင်းဆွဲစေ့လိုက်တဲ့ေ
နာက်

ငါ့ဆီ ရိုက်လင်းတန်းတွေက

သိုးမည်းဒဏ္ဍာရီတွေကိုသာ သုတ်လိမ်းပေးခဲ့ ။

လင်းလွန်းလို့ မမြင်တော့တဲ့ အကန်းတကောင်ပါ

အမှောင်ဆိုတာ အရောင်ခြယ်ဖို့မှ မဟုတ်တာ

ဒဏ္ဍာရီထဲမှာတောင် အလင်းကျိန်စာမိတယ် ။

ငါ့ရာဇ၀င်ကို ပရိုသီးမီးယပ်စ် မတွေ့ဖူးလိုက်တဲ့

မီးအိမ်နဲ့ တောက်အက်ကစား

ချောက်ကမ်းပါးဘေးက အနှစ်နှစ်ဆယ်ကျော်သက်တမ်းနဲ

မြက်ပင်ကို ဖမ်းပြီး ကြိုးကျစ်မိတယ် ။

မြူခိုးတွေဝေနေတယ် ။ စိုစွတ်စွတ်လွင်ပြင်မှာ

စိတ်ဝိဥာဉ်တွေက ငါ့ဆံပင်တွေလို တဖျတ်ဖျတ်လွင့်

တကယ်ဆို ငါက သံပတ်ပေးတာကိုသာ စောင့်နေရမယ့် အရုပ်သေ ။

နဂါးငွေ့တန်းတစ်ခုလုံး ကြွေအောင် ဖန်ဆင်းဖို့

သခင် ... ငါ့ကို အသက်သွင်းလော့ ။

ငါက ဓူဝံကြယ်ဆီကိုမှ မိုက်မိုက်ကန်းကန်း

ပန်းတွေ ပစ်ထည့်မိတဲ့အခါ

လောကဟာ ငါ့အိတ်ကပ်ထောင့်ကျဉ်းတွေကို ပျက်ရယ်ပြုနေလေရဲ့ ။

ပွဲတော်နေ့မှာမှ မိုးမိသွားတဲ့လူရိုင်းလိုပဲ

သောက်ရေးမပါတာတွေက ခုန် , ခုန်ထွက်တယ်။

ဘယ်နတ်ဆိုးရဲ့ ပုရပိုဒ်ထဲက အရှိန်အ၀ါတွေပါလာတာလဲ ။

သည်းသည်းမည်းမည်း ... ... သည်းသည်းမည်းမည်း

ငါ့မျက်တောင်တွေ ကျိုးကြေသွားလောက်အောင်

လပေါ်မှာ ဒီရေတက်ခဲ့ ။

အနီရောင်တွေ အလွဲလွဲအချော်ချော်ဖြစ်ကုန်တာ

ဘယ်ကဝေပြုစားသလဲလို့ မေးရက်တယ် ။

လက်ထိပ်ခတ်လည်း လွင့်နေတဲ့ စိတ်အစဉ်ကို

ဘယ်ဥပဒေနဲ့ အရေးယူမှာလဲ ။

အဲဒီလိုနဲ့ ... သစ္စာတရားရဲ့ လှောင်အိမ်ကို ငါ့ခေါင်းပေါ်တည့်တည့်မှာ

ပိပိရိရိ သိမ်းလိုက်တယ် ။

ကြေးသွန်းထားတဲ့ တိမ်တချို့ရဲ့ ကျက်သရေကို

ငါ့အား ပေးတော်မူပါ ။

ဆွဲငင်အားကောင်းတဲ့ ကောင်းကင်ကို

ငါ့အတွက် မြောက်အရပ်သို့ ရွေ့ပေးတော်မူပါ ။

အဲဒီလိုနဲ့ ... ငါ့သံပတ်ကိုငါ ဆိုင်းမပါ ဗုံမဆင့်

သခင့်လက်ကို ခိုးယူခွင့်ပေးခဲ့လိုက်တယ် ။





Summer Way ၊ အဲရာဝေ

Tuesday, July 13, 2010

တယာဆရော် .....



တယော တစ်လက်ကလည်း
ဒီရင်ကို ၀ုန်းဒိုင်းကြဲစေတာပါပဲလား...
သေသေသပ်သပ် အပြုံးနဲ့
ခဏခဏ လွင့်ထွက်သွားအောင် ခင်ဗျားမို့ ပြုံးရက်တယ်...
အိပ်ရေးတွေပျက်... အဖျားတွေလည်း တတ်တယ် ဆရာ..
တယောတစ်လက်ကြောင့် တောနက်ထဲဝင်တယ်တဲ့ (အဟက်)
ဘယ်လို တရားနဲ့မှ ဖြေမရသေးဘူးဗျာ...
ခင်ဗျား ထပ်ပြုံးပါဦး ...
အဲလို အပြုံးမျိုး ခင်ဗျားကလွဲ..ဘယ်သူမှ မပြုံးတတ်ဘူး
ဘေးကျပ်နံကျပ် အသက်ရှုပါရပ်တယ်...
တဟုန်းဟုန်းနဲ့ ထထတောက်တယ်...
ဟောဒီမှာ ...အဖြူရောင်မီးတောက်.. !
ကျုပ်ကို အရှင်လတ်လတ် ပြုံးပြပြီးမှ သင်္ဂြုဟ်ပါလေ ...

SUMMER.