မေမေ

မေမေ ... လွမ်းလွမ်းဆွတ်ဆွတ်ပါပဲလေ..
နှလုံးသားတွေ ဖြစ်ညှစ်ဆုပ်ကိုင်ခံလိုက်ရသလို...မေ့မေ့ကို သတိရတယ် ...
တစ်ယောက်တည်းပါပဲလေ...အနားသတ်တွေ ဖွာလန်ကြဲနေ့တွေထဲ မေမေ့ အကြင်နာတွေ ပြင်းပြင်းပြပြ ဆာလောင်နေတယ်မေ ..
တမြေ့မြေ့နဲ့ လျှောဝင်နေတဲ့ ဘ၀ကျင်းထဲ မေမေသာလျှင် ခွန်အားပါပဲ ...
မေမေရယ် .. ရင်ခွင်ထဲတိုးပြီး ရှိုက်ကြီးတငင်ငိုလိုက်ချင်တယ်.....
ပူလောင်မှုတွေများသထက်များလာတော့မှ မေ့မေ့ အေးမြခြင်းတွေကို သတိတရနဲ့ တန်ဖိုးထားတတ်လာတယ်ဲ...
မေမေရယ် ... လဲကျလိုက် ပြန်ထလိုက်နဲ့ ဒါဏ်ရာတွေချည်းပဲ အလကားပေးတတ်တဲ့ လောကကြိုးဝိုင်းကြီးထဲ မေမေ တစ်ယောက်တည်းဆီမှာပဲ ဖြူစင်တဲ့ ချစ်ခြင်းတွေရှိတာတဲ့ ....တကယ်တော့ မေမေဟာ ဘယ်တော့မှ အာနိသင်မကုန်ခမ်းတဲ့ ဆေးတခွက်ပါပဲ ...။
ရွှေလင်ပန်းနဲ့ ထမင်းဆီဆမ်းမှ မဟုတ်တော့ပါဘူး..မေမေ့လက်နဲ့ ကျွေးတာ ဘာမဆို တမ်းတမ်းတတ ငတ်မွတ်နေပြီ မေမေ..မဲ့ပြုံးလေးကိုလည်း မြင်ယောင်နေမိပါရဲ့ ...
မေမေ့အပါးက ကျောခိုင်းမိတဲ့ ငှက်ကလေးပါ မေမေရယ်.. မိုးဒါဏ်၊ လေဒါဏ်နဲ့ လောကလွင်ပြင်ကျယ်ကြီးထဲ မုန်တိုင်းမိတော့လည်း ဘယ်သူကမှ(မေမေ့လို) စိုမှာစိုးလို့ မိုးမပေးကြပါဘူး...သက်ပြင်းတွေ အလီလီချမိလည်း (မေမေ့လို )ဘယ်သူကမှ ဂရုဏာအပြည့်နဲ့ ကျောသပ်ပေးတာမဟုတ်ဘူးမေ ... မေတ္တာတရားမရှိနိုင်တဲ့ ခေတ်ပျက်ကြီးထဲမှာ ဆင်လိုလို သမင်လိုလိုလူတွေချည်းပါပဲမေမေ....ဘာကိုမှ အပြစ်ပုံချလို့မရတဲ့ အဆုံးမှာ .. let it be .. let it be, let it be, let it be. ... Whisper words of wisdom, let it be.... မေမေ အမြဲဆိုနေကျ သီချင်းလေးကိုပဲ တညည်းညည်း.... ကြေမွအက်ကွဲနေတဲ့ နေ့တွေထဲ..တရွေ့ရွေ့နဲ့ ခရီးဆက်ရဦးမယ်မေ... တောင်းဆုတွေသာ အလီလီ ပန်ကြားနေနိုင်သေးတဲ့ ဘ၀သေးသေးလေးပါပဲ..ဒါပေမယ့် မပျက်မကွက်ဆုတောင်းနေမိတာတော့ မေမေ...ပျော်ရွှင်ပါစေ..
မေမေ ... ကျန်းမာပါစေပါပဲ ...သိပ်အရေးကြီးတယ်ဆိုတာ နားလည်ပြီမေ..ဆုံးရှုံးခြင်းတွေ တစတစတိုးတတ်လာတဲ့ ဘ၀ထဲမှာ ဘယ်လိုမှ အဆုံးရှုံးမခံနိုင်တာ မေမေ တစ်ယောက်သာရှိတယ်ဆိုလေ ....